A Comisión de Calidade, na sesión celebrada o 4 de decembro de 2025, acordou a validación do Documento CERO do Programa de Desenvolvemento Estratéxico da EET. O devandito documento foi elaborado pola Comisión para a Elaboración do Programa de Desenvolvemento Estratéxico e inclúe a proposta do Plan Operativo do centro como elemento central para a planificación e o despregamento das liñas estratéxicas.
O Documento CERO sométese a un proceso de exposición pública a través da páxina web institucional durante un período de 15 días, co obxectivo de garantir a participación da comunidade educativa e facilitar a recepción de observacións, propostas de mellora e comentarios técnicos que contribúan á consolidación do documento.
Para tal fin, establécese un prazo de presentación de alegacións que rematará o 20 de decembro de 2025. As achegas poderán remitirse a través de calquera das canles oficiais do centro, aínda que se recomenda o seu envío preferente mediante correo electrónico á subdirección de Calidade da EET:
Contacto
Ana María Cao Paz
Subdirectora de Calidade da EET
teleco.subdir.calidade@uvigo.gal
Escola de Enxeñaría de Telecomunicación
Campus Lagoas-Marcosende
36310 – Vigo (Pontevedra)