Quen pode participar e como?
Podes participar en equipos (de 2 a 6 estudantes) nas tres seguintes categorías:
- (i) 2º, 3º e 4º de ESO
- (ii) Bacharelato
- (iii) Ciclos formativos de grado medio e/ou superior
Cada equipo deseñará e desenvolverá un proxecto aliñado coa enxeñería de telecomunicación e o ODS 3. Poderá utilizar para iso o material que lle proporcionará a EET (kits de placas programables compatibles co IDE de Arduino). As comunicacións (por exemplo 5G, LoRaWAN, Wifi, Bluetooth, etc.) deben estar presentes no proxecto. Permitirase a participación de máis dun equipo por centro; o número máximo detallarase cando termine o prazo de inscrición, e dependerá do número total de equipos que se inscriban.
Se és estudante de Bacharelato, tamén podes participar de forma individual.
Neste caso proporase a resolución dun conxunto de problemas relacionados coa Enxeñería de Telecomunicación, sendo o seu foco a utilización enxeñosa das ferramentas físico-matemáticas coñecidas polo alumnado deste nivel educativo.
Tes información detallada aquí.
Que podo gañar?
Ademais da experiencia e da posibilidade de levar os premios que se indican debaixo, só por participar xa gañas:
- O teu centro educativo recibirá un kit de placas programables compatibles co IDE de Arduino valorado en 100 €.
- Ofrecémosche formación sobre a programación para Arduino no mes de xaneiro.
Fases da competición e premios
A competición consta de dúas fases:
1º Fase: clasificatoria
A competición entre os equipos que se apuntaron na nosa Escola (EET UVIGO) terá lugar os días :
- 25 de abril: equipos ESO.
- 26 de abril: equipos FP e Bacharelato.
- 27 de abril: individual Bacharelato.
Na competición por equipos, tedes desde xaneiro para traballar no voso proxecto. En cada categoría, daranse 4 premios:
- Premio á mellor proposta técnica:
- 400 € ao equipo e
- 400 € ao centro educativo
- Premio á proposta máis orixinal:
- 300 € ao equipo
- Premio á proposta máis aliñada co ODS 3:
- 200 € ao equipo
Na competición individual, daranse 3 premios:
- Primeiro premio: 400 €
- Segundo premio: 300 €
- Terceiro premio: 200 €
2º Fase: nacional
Na competición por equipos, os mellores proxectos pasan directamente á competición nacional, que será en maio de 2024. Daranse 4 premios, cuxa contía dependerá dos patrocinadores:
- Mellor proposta técnica
- Proposta máis orixinal
- Proposta máis aliñada co ODS 3
- Mellor comunicación e exposición de proxecto
Na competición individual, entregaranse premios ás tres persoas que alcancen a mellor puntuación.
Como me podo inscribir?
Podes facelo a través do seguinte formulario:
Tes dúbidas?
Podes resolvelas en:
- Na web nacional das olimpiadas,
- revisando as bases da competición neste enlace,
- ou escríbenos directamente un correo a teleco.olimpiadas@uvigo.es