ConexiónTeleco

Constituímos unha rede de traballo, unha interrelación que conecta organismos e empresas do sector coa Escola de Enxeñaría de Telecomunicación e especialmente co estudantado e profesionais que nela se forman. Hai anos que varias destas entidades viñan colaborando nas actividades formativas ou de prácticas da Escola. Esta sinerxia calla agora nunha malla cooperativa.

A iniciativa busca a excelencia na formación de futuros profesionais da telecomunicación, atraendo estudantes que aínda non se matricularon na universidade e tamén, potenciando o interese e premiando os esforzos dos que xa se están formando con nós. Ambas accións redundan en mellores posibilidades de contratación por parte das empresas e organismos que participan en Conexión | Teleco. 

Na actualidade somos unha rede formada por 16 entidades, empresas ou centros tecnolóxicos, cun obxectivo común: preparar conxuntamente o futuro das telecomunicacións.

Como participar en Conexión | Teleco?

As entidades que desexen participar na nosa rede poden facelo de dous xeitos, segundo sexan as súas achegas ao proxecto. Así, poden ser entidades Amigas ou Mecenas. Comeza esta a nosa relación con 11 Mecenas e 5 Amigas.

Todas as entidades comprométense a ofertar prazas de prácticas ao estudantado da Escola e a promocionar este compromiso por medio duns pequenos vídeos, nos que explican en que sector son líderes e as razóns polas que lles interesa contratar persoas tituladas en enxeñaría de telecomunicación da EET da UVigo.

Mecenas

As entidades Mecenas adquiren a maiores compromisos de patrocinio de premios…

• Premios a estudantes de primeiro curso co mellor expediente académico –uns premios de recente implantación–
• Premio aos mellores proxectos do Laboratorio de Proxectos –Premios LPro–.

… ou tamén é posible patrocinar, entre outras, iniciativas como:

• As “Olimpiadas nacionales de telecomunicación” –das que a Escola é co-organizadora–
• Os actos de graduación –Grao e Máster– que se celebran cada ano na EET
• Os premios aos mellores traballos de fin de titulación
• Colaborar coas actividades de divulgación e captación de estudantado.

Facendo clic en cada cadro irás a un vídeo da entidade preparado expresamente para Conexión | Teleco

Entidades amigas

Fai clic para ver os vídeos.

Outras empresas e organizacións que colaboran coa Escola

Ademais das compañías e organismos que forman parte de Conexión | Teleco, tamén colaboran coa Escola en diversos labores e por diferentes medios, as seguintes entidades: