O informe de satisfacción máis recente da Universidade de Vigo, relativo ao curso 2024-2025, revela que, en xeral, o estudantado da institución viguesa valora positivamente os diferentes estudos de grao. De feito, a única pregunta de si/non que aparece no formulario, na que se pide responder se o alumno ou alumna está satisfeito/a coa titulación, obtivo maioritariamente respostas de “si”. Só seis graos baixan do 70% de respostas positivas.
No que respecta ás medias das puntuacións de 1 a 5, ningún dos graos nin das facultades da UVigo obtén valoracións negativas (menos de 2,5) por parte do seu estudantado.
No ‘top 10’ dos centros mellor valorados polo seu alumnado, só dous centros do campus de Vigo se sitúan entre os dez primeiros: a Escola de Enxeñaría de Telecomunicación (3,67) e a Escola de Enfermaría de Povisa (3,70).
Fonte: Atlántico Diario