Dentro do programa integraTE, copatrocinada pola Cátedra Fundación Oesía e a Cátedra Indra, o vindeiro mércores 5 de febreiro ás 13:00, teremos no Salón de Actos a cuarta charla do ciclo “Café & …” desta vez centrada nas novas tecnoloxías (fotónica e cuántica) nos satélites de comunicación. Esta charla correrá a cargo de Miguel Ángel Piqueras Ruipérez, CTO de Fotónica e Espazo no Grupo Oesia, e poderemos aprender como estas tecnoloxías ofrecen importantes vantaxes en termos de redución de masa e consumo dos satélites.
Neste ciclo de charlas de divulgación científica sobre tecnoloxías de telecomunicación poderás ver que contidos vas a estudar no Grao/Mestrado ou en que podes traballar no futuro. Non perdas esta interesante charla nun ambiente relaxado e con café ao rematar.
Estas charlas están pensadas para tódolos estudantes de primeiro curso, pero están abertas a aqueles doutros cursos que queiran vir.