Dentro do programa integraTE, patrocinado pola Cátedra Indra, o vindeiro mércores 30 de abril ás 13:00, teremos no Salón de Actos a sétima charla do ciclo “Café & …” desta vez centrada na compatibilidade electromagnética nos vehículos eléctricos. Esta charla correrá a cargo de Nerea Airado, enxeñeira de Hardware en BorgWarner.
Neste ciclo de charlas de divulgación científica sobre tecnoloxías de telecomunicación poderás ver que contidos vas a estudar no Grao/Mestrado ou en que podes traballar no futuro. Non perdas esta interesante charla nun ambiente relaxado e con café ao rematar.
Estas charlas están pensadas para tódolos estudantes de primeiro curso, pero están abertas a aqueles doutros cursos que queiran vir.