O obxectivo da Universidade de Vigo é que o próximo curso elixan a institución viguesa para os seus estudos universitarios
Ao longo deste curso, 130 estudantes de Asia, África e América están a realizar no campus de Vigo o curso de Lingua, Cultura e Adaptación á Universidade, unha formación preparatoria para estudantes estranxeiros interesados en matricularse nunha universidade española.
O obxectivo da UVigo é que proceso de escolla de universidade para o vindeiro curso opten por ficar nun dos tres campus da institución olívica e para iso o 25 e o 26 de marzo participaron nunhas sesións informativas sobre a oferta académica de grao e mestrado que ofrece a Universidade de Vigo.
Presentación do mapa de estudos da EET
Na sesión do día 25, o subdirector de Captación e Difusión da EET, Pedro Rodríguez, presentou os distintos graos e mestrados que se ofrecen na Escola, os seus programas de estudos, as saídas profesionais, etc.
En total, neste curso 2024-2025 son 130 mozos e mozas os que completan na UVigo o curso de Lingua, Cultura e Adaptación á Universidade, procedentes principalmente de países como Indonesia; Filipinas, Malaisia, Emiratos Árabes Unidos, Tunisia, Exipto, Arabia Saudita, Líbano ou India.
Fonte: DUVI