Dentro do programa integraTE, patrocinado pola Cátedra Indra, o vindeiro mércores 19 de marzo ás 13:00, teremos no Salón de Actos a quinta charla do ciclo “Café & …” desta vez centrada na investigación que se fai na nosa Escola. Esta charla correrá a cargo de catro estudantes da Escola que decidiron quedarse a investigar. Compartirán a súa experiencia e as liñas de investigación nas que están a traballar.
Neste ciclo de charlas de divulgación científica sobre tecnoloxías de telecomunicación poderás ver que contidos vas a estudar no Grao/Mestrado ou en que podes traballar no futuro. Non perdas esta interesante charla nun ambiente relaxado e con café ao rematar.
Estas charlas están pensadas para tódolos estudantes de primeiro curso, pero están abertas a aqueles doutros cursos que queiran vir.