Enténdese por «recoñecemento de créditos» a aceptación por unha universidade dos créditos ECTS que, sendo obtidos no ensino oficial, na mesma ou outra universidade, son computados noutras distintas a efectos da obtención dun título oficial. Tamén pode obterse recoñecemento de créditos ECTS pola participación en actividades universitarias culturais, deportivas, de representación estudantil, solidarias e de cooperación, por coñecemento de idiomas, por estudos non universitarios, por títulos propios e por experiencia laboral e profesional.
Na EET tamén podes recoñecer créditos optativos pola túa participación en actividades formativas transversais dentro do noso programa orientaTE.
No Grao en Enxeñería de Tecnoloxías de Telecomunicación, ao amparo do RRD 822/2021, poden recoñecerse un máximo de 6 créditos optativos por realizar actividades universitarias culturais, deportivas, de representación estudantil, solidarias e de cooperación.
Para o recoñecemento de créditos optativos por actividades universitarias, consulta o noso programa orientaTE, onde a túa participación en actividades formativas transversais da EET ten recoñecemento.
Tes máis información sobre a normativa de recoñecementos e sobre os procedementos da Universidade de Vigo na seguinte ligazón (apartado “Recoñecemento de créditos”, pestana “Por actividades universitarias”):
Algunhas normativas importantes:
- 26/06/205 (CG): Regulamento de recoñecemento e transferencia de créditos académicos nas titulacións oficiais de grao e de mestrado
Por ciclos superiores (FP):
Se vés dun ciclo de grao superior, podes consultar na páxina de validacións da Xunta de Galicia o catálogo de créditos e materias recoñecidas nas titulacións universitarias oficiais de grao para os titulados e tituladas en formación profesional de grao superior:
Validacións ciclos superiores de FP e estudos universitarios
Tes que solicitar o recoñecemento de créditos para o GETT na Escola de Enxeñaría de Telecomunicación.
Tes máis información sobre a normativa de recoñecementos e sobre os procedementos da Universidade de Vigo na seguinte ligazón (apartado “recoñecemento de créditos”, pestana “Por ciclos superiores (FP)”):
Recoñecemento de materias entre distintas titulacións oficiais.
Por experiencia laboral e profesional e por títulos propios.
Por prácticas externas extracurriculares
Poderán ser obxecto de recoñecemento os créditos superados en estudos universitarios oficiais españois ou noutros estudos universitarios oficiais impartidos por unha institución de educación superior estranxeira oficialmente recoñecida no seu país.
Serán obxecto destes procedementos ata a totalidade dos créditos de formación básica entre títulos do mesmo ámbito de coñecemento.
En titulacións de grao, os créditos de formación básica de ámbitos de coñecemento diferentes, os créditos obrigatorios e os créditos optativos de materias do mesmo ou distinto ámbito de coñecemento poderán ser recoñecidos por créditos doutras materias do plan de estudos atendendo á coherencia académica e formativa.
Con carácter xeral, para o recoñecemento de créditos terase en consideración a adecuación nos resultados da aprendizaxe, atendendo á coherencia académica e formativa dos coñecementos, ás competencias e ás habilidades que definen as materias ou disciplinas que se vaian recoñecer na titulación de orixe coas existentes no plan de estudos da titulación de destino.
En ningún caso, se poderá recoñecer a materia correspondente ao Traballo de Fin de Grao (TFG) , agás os que especificamente se desenvolvan nun programa de mobilidade.
Tes máis información sobre a normativa de recoñecementos e sobre os procedementos da Universidade de Vigo na seguinte ligazón (apartado “recoñecemento de créditos”, pestana “Entre nos mesmos graos das universidades do SUG”):