Competición nacional e entrega de premios

Competición nacional

Na competición por equipos, os mellores proxectos pasaron directamente á competición nacional, celebrada entre o 7 e o 14 de maio de 2024. Déronse 4 premios:

Mellor proposta técnica
Proposta máis orixinal
Proposta máis aliñada co ODS 3
Mellor comunicación e exposición de proxecto

Na competición individual, entregaronse premios ás tres persoas que alcanzaon a mellor puntuación.

3 dos premios nacionais por equipos e 1 dos premios individuais foron para participantes clasificados en Teleco-Vigo

O día 14 de xuño de 2024 tivo lugar en formato online o acto de entrega de premios da competición nacional das Olimpíadas. O evento estivo organizado polo Colegio Oficial de Ingenieros Técnicos de Telecomunicación (COITT) e a Asociación Española de Graduados e Ingenieros Técnicos de Telecomunicación (AEGITT), xunto coa Conferencia de Directores de Escuelas con Grados de Ingeniería en el Ámbito de Telecomunicación (CODIGAT), que aglutina a unha vintena de escolas universitarias como patrocinadoras e colaboradoras.

Nesta última fase das Olimpíadas os equipos presentaron e defenderon os seus proxectos ante un tribunal formado por docentes universitarios. O xurado destacou a creatividade e innovación dos proxectos presentados por cerca dun millar de estudantes inscritos.

Entre os proxectos galardoados, unha luva intelixente para comunicarse con persoas sordomudas, un dispositivo para a detección de caídas, unha alerta automática para o aviso na estrada de accidentes, unha smart room que testea a nosa actividade diaria, dispositivos en remoto que mide a calidade da auga e e do aire, ou as condicións atmosféricas, un pastillero programable, e un sistema de monitorización e sensorización da actividade física..

A competición foi todo un éxito cumprindo con creces os seus propósitos.

Tres dos 12 equipos, e 1 dos 4 participantes na categoría individual galardoados nesta fase final foron galegos e clasificáranse na fase local que acolleu a EET:

Na categoría de equipos de ESO:
- Premio ‘Proposta máis aliñada co ODS 3’ (3º premio: 300 euros a repartir entre os membros do equipo) para o equipo do Colexio de Fomento Montecastelo (Vigo): Nicolás Costas Fernández, Guillermo Alonso Caraballo, Federico Andrés de Marco, Jacobo Fructuoso Veiga. Docente: Bernardo Longa Méndez.
Na categoría de Bacharelato por equipos:
- Premio á ‘Mellor proposta técnica’ (1º premio: 500 euros a repartir entre os membros do equipo e 500 euros para a profesora) para o equipo do IES Isaac Díaz Pardo (A Coruña): Inés Abuín Sánchez, Martín Santos García, Elías Porral del Río, Uxía Bernárdez Martínez, Iago Fernández Gómez, Daniel Martínez Hermida. Docente: Patricia Iglesias Noguerol
Na categoría de FP:
- Premio ‘Proposta máis aliñada co ODS 3’ (3º premio: 300 euros a repartir entre os membros do equipo) para o equipo do CIFP A Farixa – Ourense : Paula Cortizo Pérez, Jorge Gil Álvarez, Cristian González González, Francisco Alejandro González Rangel, Anxo Sampayo Pulido, Iver Esrom Vásquez Poma. Docente: Ricardo Ameijeiras Vázquez
Na categoría de Bacharelato individual:
- 3º premio ex-aequo (200 euros): Hugo Domínguez Conde. Colexio Manuel Peleteiro (Santiago de Compostela). Docente: Elena Poncela Blanco