Dentro do programa integraTE, patrocinado pola Cátedra Indra, o vindeiro mércores 30 de outubro ás 13:00, teremos no Salón de Actos a segunda charla do ciclo “Café & …” desta vez centrada nos despregamentos de fibra. Esta charla correrá a cargo de persoal da empresa Optare Solutions e poderemos aprender como chega Internet de alta velocidade aos nosos fogares grazas a esta tecnoloxía.
Neste ciclo de charlas de divulgación científica sobre tecnoloxías de telecomunicación poderás ver que contidos vas a estudar no Grao/Mestrado ou en que podes traballar no futuro. Non perdas esta interesante charla nun ambiente relaxado e con café ao rematar.
Estas charlas están pensadas para tódolos estudantes de primeiro curso, pero están abertas a aqueles doutros cursos que queiran vir.