Ao conxunto de coñecementos, habilidades e actitudes que se adquiren e desenvolven durante os estudos, tamén lles chamamos resultados de aprendizaxe.
Os graduados e graduadas en Enxeñaría de Tecnoloxías de Telecomunicación da UVigo adquiren os resultados de aprendizaxe indicados na Orde CIN/352/2009, do 9 de febreiro, que establece os requisitos para a verificación dos títulos universitarios oficiais que habilitan para a profesión de Enxeñaría Técnica de Telecomunicación.
Para a obtención do título, hai que completar só un dos catro módulos tecnolóxicos incluídos no Grao proposto. Desta forma, os resultados de aprendizaxe RA21 a R47 non serán adquiridos pola totalidade do alumnado:
- Quen siga a tecnoloxía de Sistemas de Telecomunicación adquirirán os resultados de aprendizaxe RA21 a RA26.
- Se son de Sistemas Electrónicos, RA39 a RA47.
- Se de Telemática, RA27 a RA33.
- E quen sexa de Son e Imaxe, do RA34 ao RA38.
Resultados de aprendizaxe
Resultados de aprendizaxe
| RA01-HAB01 | Resolver os problemas matemáticos que poidan xurdir na enxeñaría. Aplicar os coñecementos sobre: álxebra lineal; xeometría; xeometría diferencial; cálculo diferencial e integral; ecuacións diferenciais e derivadas parciais; métodos numéricos; algoritmia numérica; estatística e optimización. |
| RA02-HAB02 | Programar ordenadores e manexar sistemas operativos, bases de datos e programas informáticos con aplicación na enxeñaría. |
| RA03-HAB03 | Comprender e dominar os conceptos básicos sobre as leis xerais da mecánica, termodinámica, campos e ondas e electromagnetismo e a súa aplicación para resolver problemas propios da enxeñaría. |
| RA04-CON01 | Comprender e dominar os conceptos básicos de sistemas lineais e as funcións e transformadas relacionadas, teoría de circuítos eléctricos, circuítos electrónicos, principio físico dos semiconductores e familias lóxicas, dispositivos electrónicos e fotónicos, tecnoloxía de materiais e a súa aplicación para resolver problemas propios da enxeñaría. |
| RA05-CON02 | Coñecer adecuadamente o concepto de empresa, marco institucional e xurídico da empresa. Organización e xestión de empresas. |
| RA06-COMP01 | Demostrar autonomía para aprender novos coñecementos e técnicas adecuadas para a concepción, o desenvolvemento ou a explotación de sistemas e servizos de telecomunicación. |
| RA07-HAB04 | Utilizar aplicacións de comunicación e informáticas (ofimática, bases de datos, cálculo avanzado, xestión de proxectos, visualización, etc.) e apoiar o desenvolvemento e explotación de redes, servizos e aplicacións de telecomunicación e electrónica. |
| RA08-HAB05 | Utilizar ferramentas informáticas de busca de recursos bibliográficos ou de información relacionada coas telecomunicacións e a electrónica. |
| RA09-HAB06 | Analizar e especificar os parámetros fundamentais dun sistema de comunicacións. |
| RA10-COMP02 | Avaliar as vantaxes e inconvenientes de diferentes alternativas tecnolóxicas de despregamento ou implementación de sistemas de comunicacións, desde o punto de vista do espazo do sinal, as perturbacións e o ruído e os sistemas de modulación analóxica e dixital. |
| RA11-COMP03 | Concibir, despregar, organizar e xestionar redes, sistemas, servizos e infraestruturas de telecomunicación en contextos residenciais (fogares, cidades e comunidades dixitais), empresariais ou institucionais responsabilizándose da súa posta en marcha e mellora continua, así como coñecer o seu impacto económico e social. |
| RA12-HAB07 | Coñecer e facer uso dos fundamentos da programación en redes, sistemas e servizos de telecomunicación. |
| RA13-CON03 | Comprender os mecanismos de propagación e transmisión de ondas electromagnéticas e acústicas, e coñecer os seus correspondentes dispositivos emisores e receptores. |
| RA14-HAB08 | Analizar e deseñar circuítos combinacionais e secuenciais, síncronos e asíncronos, e utilizar microprocesadores e circuítos integrados. |
| RA15-HAB09 | Coñecer e aplicar os fundamentos das linguaxes de descrición de dispositivos hardware. |
| RA16-HAB10 | Traballar con distintas fontes de enerxía, especialmente a solar fotovoltaica e térmica, e aplicar os fundamentos da electrotecnia e da electrónica de potencia. |
| RA17-HAB11 | Coñecer e utilizar os conceptos de arquitectura de rede, protocolos e interfaces de comunicacións. |
| RA18-CON04 | Coñecer e diferenciar os conceptos de redes de acceso e transporte, redes de conmutación de circuítos e de paquetes, redes fixas e móbiles, así como os sistemas e aplicacións de rede distribuídos, servizos de voz, datos, audio, vídeo e servizos interactivos e multimedia. |
| RA19-CON05 | Coñecer os métodos de interconexión de redes e encaminamento, así como os fundamentos da planificación e dimensionado de redes en función de parámetros de tráfico. |
| RA20-CON06 | Coñecer a normativa e a regulación das telecomunicacións nos ámbitos nacional, europeo e internacional. |
| RA21-HAB12 | Construír, explotar e xestionar as redes, servizos, procesos e aplicacións de telecomunicacións, entendidas estas como sistemas de captación, transporte, representación, procesado, almacenamento, xestión e presentación de información multimedia, desde o punto de vista dos sistemas de transmisión. |
| RA22-HAB13 | Aplicar as técnicas en que se basean as redes, servizos e aplicacións de telecomunicación tanto en contornas fixas como móbiles, persoais, locais ou a gran distancia, con diferentes anchos de banda, incluíndo telefonía, radiodifusión, televisión e datos, desde o punto de vista dos sistemas de transmisión. |
| RA23-HAB14 | Analizar compoñentes e as súas especificacións para sistemas de comunicacións guiadas e non guiadas. |
| RA24-COMP04 | Seleccionar circuítos, subsistemas e sistemas de radiofrecuencia, microondas, radiodifusión, radioenlaces e radiodeterminación. |
| RA25-COMP05 | Ser capaz de seleccionar antenas, equipos e sistemas de transmisión, propagación de ondas guiadas e non guiadas, por medios electromagnéticos, de radiofrecuencia ou ópticos e de xestionar o espazo radioeléctrico e a asignación de frecuencias. |
| RA26-HAB15 | Analizar, codificar, procesar e transmitir información multimedia empregando técnicas de procesado analóxico e dixital de sinal. |
| RA27-HAB16 | Construír, explotar e xestionar as redes, servizos, procesos e aplicacións de telecomunicacións, entendidas estas como sistemas de captación, transporte, representación, procesado, almacenamento, xestión e presentación de información multimedia, desde o punto de vista dos servizos telemáticos. |
| RA28-HAB17 | Aplicar as técnicas en que se basean as redes, servizos e aplicacións telemáticas, tales como sistemas de xestión, sinalización e conmutación, encamiñamento e enrutamento, seguridade (protocolos criptográficos, tunelado, cortalumes, mecanismos de cobranza, de autenticación e de protección de contidos), enxeñería de tráfico (teoría de grafos, teoría de colas e teletráfico) tarificación e fiabilidade e calidade de servizo, tanto en contornas fixas, móbiles, persoais, locais ou a gran distancia, con diferentes anchos de banda, incluíndo telefonía e datos. |
| RA29-HAB18 | Construír, explotar e xestionar servizos telemáticos utilizando ferramentas analíticas de planificación, de dimensionado e de análise. |
| RA30-HAB19 | Describir, programar, validar e optimizar protocolos e interfaces de comunicación nos diferentes niveis dunha arquitectura de redes. |
| RA31-HAB20 | Realizar seguimento dos progresos tecnolóxicos de transmisión, conmutación e proceso para mellorar as redes e servizos telemáticos. |
| RA32-COMP06 | Deseñar arquitecturas de redes e servizos telemáticos. |
| RA33-HAB21 | Programar servizos e aplicacións telemáticas, en rede e distribuídas. |
| RA34-HAB22 | Construír, explotar e xestionar servizos e aplicacións de telecomunicacións, entendidas estas como sistemas de captación, tratamento analóxico e dixital, codificación, transporte, representación, procesado, almacenamento, reprodución, xestión e presentación de servizos audiovisuais e información multimedia. |
| RA35-COMP07 | Analizar, especificar, realizar e manter sistemas, equipos, cabeceiras e instalacións de televisión, audio e vídeo, tanto en contornas fixas como móbiles. |
| RA36-HAB23 | Realizar proxectos de locais e instalacións destinados á produción e gravación de sinais de audio e vídeo. |
| RA37-HAB24 | Realizar proxectos de enxeñería acústica sobre: illamento e acondicionamento acústico de locais; instalacións de megafonía; especificación, análise e selección de transductores electroacústicos; sistemas de medida, análise e control de ruído e vibracións; acústica ambiental; sistemas de acústica submarina. |
| RA38-COMP08 | Crear, codificar, xestionar, difundir e distribuír contidos multimedia, atendendo a criterios de usabilidade e accesibilidade dos servizos audiovisuais, de difusión e interactivos. |
| RA39-HAB25 | Construír, explotar e xestionar sistemas de captación, transporte, representación, procesado, almacenamento, xestión e presentación de información multimedia, desde o punto de vista dos sistemas electrónicos. |
| RA40-COMP09 | Seleccionar circuítos e dispositivos electrónicos especializados para a transmisión, o encamiñamento ou enrutamento e os terminais, tanto en contornas fixas como móbiles. |
| RA41-HAB26 | Realizar a especificación, implementación, documentación e posta a punto de equipos e sistemas, electrónicos, de instrumentación e de control, considerando tanto os aspectos técnicos como as normativas reguladoras correspondentes. |
| RA42-HAB27 | Aplicar a electrónica como tecnoloxía de soporte noutros campos e actividades, e non só no ámbito das Tecnoloxías da Información e as Comunicacións. |
| RA43-COMP10 | Deseñar circuítos de electrónica analóxica e dixital, de conversión analóxico-dixital e dixital-analóxica, de radiofrecuencia, de alimentación e conversión de enerxía eléctrica para aplicacións de telecomunicación e computación. |
| RA44-HAB28 | Comprender e utilizar a teoría da realimentación e os sistemas electrónicos de control. |
| RA45-COMP11 | Deseñar dispositivos de interface, captura de datos e almacenamento, e terminais para servizos e sistemas de telecomunicación. |
| RA46-HAB29 | Especificar e utilizar instrumentación electrónica e sistemas de medida. |
| RA47-HAB30 | Analizar e solucionar os problemas de interferencias e compatibilidade electromagnética. |
| RA48-CON07 | Coñecer as técnicas adecuadas para o desenvolvemento e a explotación de subsistemas de procesado de sinal. |
| RA49-HAB31 | Analizar esquemas de procesado dixital de sinais. |
| RA50-HAB32 | Desenvolver, interpretar e depurar programas utilizando os conceptos básicos da Programación Orientada a Obxectos (POO): clases e obxectos, encapsulación, relacións entre clases e obxectos, e herdanza. |
| RA51-HAB33 | Abordar a aplicación básica das fases de análise, deseño, implementación e depuración de programas na POO. |
| RA52-HAB34 | Manexar ferramentas CASE (editores, depuradores). |
| RA53-HAB35 | Desenvolver programas atendendo aos principios básicos de calidade da enxeñería do software, tendo en conta as principais fontes existentes en normas, estándares e especificacións. |
| RA54-HAB36 | Ser capaz de utilizar a IA Xenerativa de forma ética, crítica e responsable. |
| RA55-CON08 | Coñecer as limitacións, riscos e implicacións do uso da IA Xenerativa. |
| RA56-COMP12 | Elaborar propostas de proxectos técnicos conforme aos requirimentos especificados nunha convocatoria. |
| RA57-COMP13 | Liderar a dirección técnica dun proxecto de telecomunicación. |
| RA58-COMP14 | Dirixir a xestión económica e de recursos humanos dun proxecto de telecomunicación. |
| RA59-HAB37 | Elaborar informes técnicos e de seguimento dun proxecto de telecomunicación. |
| RA60-COMP15 | Deseñar o hardware e o software de sistemas baseados en microcontroladores. |
| RA61-HAB38 | Ser capaz de utilizar ferramentas software de simulación de microcontroladores. |
| RA62-COMP16 | Deseñar circuítos baseados en dispositivos optoelectrónicos para a súa utilización en sistemas de telecomunicación. |
| RA63-HAB39 | Adquirir, acondicionar e procesar a información obtida a partir de sensores optoelectrónicos. |
| RA64-COMP17 | Deseñar e sintetizar sistemas dixitais complexos por medio de linguaxes de descrición de hardware. |
| RA65-HAB40 | Aplicar as ferramentas conceptuais, teóricas e prácticas das telecomunicacións no desenvolvemento e aplicacións de sistemas de radar e teledetección. |
| RA66-COMP18 | Seleccionar circuítos, subsistemas e sistemas de observación remota. |
| RA67-HAB41 | Aplicar as ferramentas conceptuais, teóricas e prácticas das telecomunicacións no desenvolvemento e aplicacións de sistemas de navegación e comunicacións por satélite. |
| RA68-COMP19 | Seleccionar subsistemas e sistemas de navegación e comunicacións por satélite. |
| RA69-HAB42 | Implementar esquemas de procesado dixital de sinais en dispositivos programables. |
| RA70-HAB43 | Interactuar con sinais de radio dixitalmente. |
| RA71-CON09 | Coñecer elementos e técnicas en enxeñería biomédica e a súa aplicación na solución de problemas asociados ao diagnóstico, monitorización e terapia. |
| RA72-COMP20 | Construír, explotar e xestionar sistemas de xeración de imaxe e vídeo sintético e aplicacións multimedia interactivas. |
| RA73-HAB44 | Aplicar métodos numéricos á resolución de problemas acústicos. |
| RA74-HAB45 | Identificar problemas de ruído industrial e deseñar solucións de control a medida. |
| RA75-CON10 | Comprender as esixencias específicas que suscitan os sistemas integrados con fortes restricións de tempo real. |
| RA76-COMP21 | Deseñar dispositivos IoT seleccionando os sensores/actuadores máis adecuados para cada uso. |
| RA77-HAB46 | Desenvolver a arquitectura necesaria para garantir a interoperabilidade dos dispositivos IoT. |
| RA78-HAB47 | Construír redes e definir protocolos que permitan a comunicación entre dispositivos IoT. |
| RA79-CON11 | Comprender o desenvolvemento actual dos servizos e aplicacións móbiles e ubicuos, así como a evolución do mercado. |
| RA80-COMP22 | Deseñar e despregar sistemas de procesado de datos a gran escala. |
| RA81-COMP23 | Realizar un exercicio orixinal individualmente consistente nun proxecto no ámbito das tecnoloxías específicas da Enxeñería de Telecomunicación de natureza profesional no que se sinteticen e integren as competencias adquiridas nos ensinos. Presentalo e defendelo ante un tribunal universitario. |
Resultados de aprendizaxe transversais
| RAT01-COMP24 | Desenvolver a autonomía suficiente para levar a cabo traballos do ámbito temático das Telecomunicacións en contextos interdesciplinares. |
| RAT02-COMP25 | Concibir a Enxeñería nun marco de desenvolvemento sostible. |
| RAT03-COMP26 | Tomar conciencia da necesidade dunha formación e mellora continua de calidade, mostrando unha actitude flexible, aberta e ética ante opinións ou situacións diversas, en particular en materia de non discriminación por sexo, raza ou relixión, respecto aos dereitos fundamentais, accesibilidade etc. |
| RAT04-COMP27 | Favorecer o traballo cooperativo, as capacidades de comunicación, organización, planificación e aceptación de responsabilidades nun ambiente de traballo multilingüe e multidisciplinar, que favoreza a educación para a igualdade, para a paz e para o respecto dos dereitos fundamentais. |
| RAT05-HAB48 | Ser capaz de comunicarse oralmente e por escrito en lingua galega. |
Resultados de aprendizaxe xerais
| RAG01-COMP28 | Ser capaz de redactar, desenvolver e asinar proxectos no ámbito da enxeñería de telecomunicación que teñan por obxecto a concepción e desenvolver ou explotar redes, servizos e aplicacións de telecomunicación e electrónica. |
| RAG02-COMP29 | Coñecer, comprender e ser capaz de aplicar a lexislación necesaria durante o desenvolvemento da profesión de Enxeñeiro Técnico de Telecomunicación e mostrar facilidade para o manexo de especificacións, regulamentos e normas de obrigado cumprimento. |
| RAG03-CON12 | Coñecer materias básicas e tecnoloxías que capaciten ao alumnado para a aprendizaxe de novos métodos e tecnoloxías, que lle doten dunha gran versatilidade para adaptarse a novas situacións. |
| RAG04-COMP30 | Resolver problemas con iniciativa, para a toma de decisións, a creatividade, e para comunicar e transmitir coñecementos, habilidades e destrezas, comprendendo a responsabilidade ética e profesional da actividade do Enxeñeiro Técnico de Telecomunicación. |
| RAG05-CON13 | Coñecer os métodos necesarios para a realización de medicións, cálculos, valoracións, taxacións, peritaciones, estudos, informes, planificación de tarefas e outros traballos análogos o seu ámbito específico da telecomunicación. |
| RAG06-HAB49 | Manexar especificacións, regulamentos e normas de obrigado cumprimento. |
| RAG07-COMP31 | Analizar e valorar o impacto social e ambiental das solucións técnicas. |
| RAG08-HAB50 | Coñecer e aplicar elementos básicos de economía e de xestión de recursos humanos, organización e planificación de proxectos, así como de lexislación, regulación e normalización nas telecomunicacións. |
| RAG09-COMP32 | Traballar nun grupo multidisciplinar e nunha contorna multilingüe e ser capaz de comunicar, tanto por escrito como de forma oral, coñecementos, procedementos, resultados e ideas relacionadas coas telecomunicacións e a electrónica |
| RAG10-COMP33 | Realizar lectura crítica de documentos científicos. |
| RAG11-COMP34 | Saber aproximarse a un problema novo abordando primeiro o esencial e despois o accesorio ou secundario. |
| RAG12-COMP35 | Dispoñer da capacidade de discusión sobre cuestións técnicas. |
| RAG13-HAB51 | Manexar ferramentas software que apoien a resolución de problemas en enxeñería. |
| RAG14-HAB52 | Utilizar ferramentas informáticas de procura de recursos bibliográficos ou de información. |