Planificación do ensino no GETT

A titulación conta con máis dun 50% de formación práctica, entre laboratorio e traballos en equipo. Á parte da formación tecnolóxica, trabállase a xestión proxectos e outras competencias transversais.

As materias distribúense en catro cursos académicos, coas seguintes liñas xerais:

• As materias (todas elas menos dúas) configúranse cunha duración de 6  ECTS, agrupadas en materias e módulos. 
• Cada cuadrimestre, a excepción do último (segundo cuadrimetre do cuarto curso académico), consta de 5 materias. 
• O módulo de Formación Básica (FB), de 10 materias (60  ECTS), proporciona ao alumno as competencias básicas expresadas na Orde CIN/352/2009, e desenvólvese practicamente completo no primeiro curso académico, quedando dúas materias no primeiro cuadrimestre do segundo curso. 
• O módulo de formación obrigatoria ou módulo de Telecomunicación (TE), de 15 materias (90 ECTS), desenvólvese maioritariamente no segundo e terceiro cursos, con dúas materias no primeiro curso. Neste módulo o/a estudante adquire as competencias denominadas comúns de Telecomunicación na Orde CIN/352/2009, reforzadas por catro materias obrigatorias adicionais. 
• A metade do terceiro curso e a maior parte do primeiro cuadrimestre do cuarto curso dedícase aos módulos de Perfil Tecnolóxico ou especialidades. O/a estudante debe optar por un dos catro módulos propostos. Cada un deles consta de 8 materias (48 ECTS) e desenvolve unha das tecnoloxías asociadas á profesión de Enxeñaría Técnica de Telecomunicación: Telemática (TEL), Sistemas Electrónicos (SE), Sistemas de Telecomunicación (ST), e Son e Imaxe (SI).
• Entre os dous cuadrimestres do cuarto curso os/as estudantes deben cursar 18 ECTSs en total en optatividade entre unha oferta que consiste en:
  • As materias optativas. 
  • O conxunto formado polas materias obrigatorias de mención das mencións que non cursou. 
  • As prácticas en empresas, que teñen tamén a consideración de  optativas e que poden supoñer a convalidación de 6 ECTS. 
  • Recoñecemento de créditos: a Universidade de Vigo recoñece ata 12 ECTS por idiomas aprendidos durante a etapa universitaria ou por distintos labores sociais, deportivos ou culturais. 
  • Mobilidade: Os créditos cursados noutras Universidades como resultado da mobilidade serán recoñecidos por optativos segundo decida a Comisión Académica e incorporados ao expediente do/a estudante. Para iso, incorpóranse tres materias de 6 ECTS cada unha, chamadas Movilidad I a III. 
• Finalmente, no último cuadrimestre da titulación, ademais dunha materia optativa, cúrsanse dous módulos: módulo de xestión de proxectos (12 ECTS) e o módulo do Traballo Fin de Grao (12  ECTS). 

Esta distribución de  ECTS obrigatorios, obrigatorios de mención/tecnoloxía, e  optativos, vese reflectida no seguinte cadro, en termos de materias e temporalidade.

Curso 1º

CUADRIMESTRE 1	CUADRIMESTRE 2
Cálculo I	Cálculo II
Álxebra Lineal	Probabilidade e Estatística
Física Xeral para Telecomunicación	Análise de Circuitos Lineais
Arquitectura de Ordenadores	Procesado de Sinais I
Fundamentos de Empresa	Programación I

Curso 2º

CUADRIMESTRE 1	CUADRIMESTRE 2
Fundamentos de Electrónica	Tecnoloxía Electrónica
Campos e ondas	Transmisión electromagnética
Programación II	Electrónica Dixital
Comunicación de Datos	Fundamentos de Son e Imaxe
Procesado de Sinais II	Redes de computadores

Curso 3º

CUADRIMESTRE 1	CUADRIMESTRE 2
Técnicas de Transmisión e Recepción de Sinais	Sistemas sen Fíos
Fundamentos de Intelixencia Artificial	Mención 2
Fundamentos Tecnolóxicos das aplicacións web	Mención 3
Circuítos electrónicos programables	Mención 4
Mención 1	Mención 5

Curso 4º

CUADRIMESTRE 1	CUADRIMESTRE 2
Mención 6	Optatividade 3
Mención 7	Laboratorio de Proxectos
Mención 8	Traballo Fin de Grao
Optatividade 1
Optatividade 2

Todas as materias teñen unha duración de 6 ECTS, excepto o Laboratorio de Proxectos e o Traballo Fin de Grao, que teñen 12 ECTS.