Órgano colexiado que supervisa e promove os diferentes sistemas e procesos vinculados á calidade como son –entre outros– o Sistema de Garantía de Calidade e o seguimento dos programas ligados a mellora da calidade no centro e titulacións adscritas.
A Comisión de Calidade debe ter unha composición equilibrada entre mulleres e homes e estar integrada, polo menos, polos seguintes membros:
- Directora do centro, que a preside.
- Coordinadora/o de calidade.
- Coordinadora/o ou persoa en quen delegue de cada unha das titulacións de grao do centro.
- Coordinadora/o ou persoa en quen delegue de cada unha das titulacións de mestrado do centro.
- Enlace de igualdade.
- Unha persoa representante do profesorado.
- Un/unha representante do estudantado de grao.
- Un/unha representante do estudantado de mestrado.
- Un/unha representante do estudantado egresado.
- Administrador/a do centro ou persoa en quen delegue.
- Un/unha representante da sociedade.
Actuais membros da Comisión
Listaxe actualizada de integrantes
[PDF, XXXXKB]
Competencias
- Debater e validar, se procede, a proposta da política e os obxectivos de calidade.
- Debater e validar, se procede, a proposta do manual de calidade e os procedementos do SGC do centro.
- Realizar o seguimento dos distintos programas ligados á mellora da calidade no centro e titulacións adscritas, así como propoñer as melloras pertinentes.
- Colaborar coa implantación, desenvolvemento e seguimento do SGC.
- Debater, propoñer e realizar o seguimento das accións de mellora de calidade, co fin de potenciar continuamente a calidade da docencia en todos os medios e procesos que nela inflúen, mediante unha colaboración constante cos departamentos e outros órganos colexiados que teñan responsabilidades neste ámbito.
- Participar activamente en todos os procesos académicos relativos á oferta formativa do centro (novas titulacións, modificación, suspensión ou extinción das existentes), elaborando un informe valorativo se o consideran oportuno ou é procedente de acordo coa normativa vixente.
- Intercambiar, debater e propoñer a participación do centro en plans institucionais, nacionais e internacionais en materia de calidade.
(Destaque que liga directamente coa páxina do SGC no apartado Calidade)