O vindeiro venres 3 de xuño, a partir das 17:30 horas, terá lugar no Salón de Actos da Escola de Enxeñaría de Telecomunicación, o acto de graduación da VII promoción do Máster en Enxeñaría de Tecnoloxías de Telecomunicación (MET).
No acto participarán Dna. Rebeca P. Díaz Redondo, Directora da Escola de Enx. Telecomunicación; D. César Mariñas, Secretario Técnico e Xerente da AETG; D. Gabriel Gómez Celaya, CEO Marine Instruments; D. Luis Pérez Freire, Director Xeral de Gradiant; D. José Carlos López Ardao, profesor da Escola de Enx. Telecomunicación e padriño desta 7ª promoción do Máster; D. Tomás Prado Rial e D. Álvaro Vázquez Rodríguez en representación do estudantado do MET; e D. Abel Caballero, Alcalde de Vigo.
A entrega de diplomas ao estudantado a fará D. Manuel Fernández Iglesias, coordinador do Máster.